Футбол 5х5: Бугун матонатли йигитларимиз Хитойга қарши майдонга тушади
Шу кунларда Япониянинг Осака шаҳрида 5х5 кўзи ожизлар футболи бўйича Осиё-Океания чемпионатининг 1-дивизион беллашувлари ўтказилмоқда.
Бугун, 21 апрель куни "2026 IBSA Men’s Blind Football Asia Oceania Championship"нинг “Б” гуруҳидан жой олган Ўзбекистон жамоаси Хитой терма жамоасига қарши майдонга тушади.
Айтиш лозим, мусобақада 8 та жамоа икки гуруҳга бўлинган ҳолда баҳс олиб бормоқда. Вакилларимиз "Б" гуруҳида Жанубий Корея, Таиланд ва Хитой терма жамоалари билан куч синашмоқда.
Кеча чемпионатнинг илк кунги баҳсида матонатли футболчиларимиз Жанубий Корея вакилларига қарши тўп сурди. Тенг курашлар остида ўтган ўйин 1:1 ҳисобидаги дуранг билан якунига етди.
Ўйинлар 27 апрелга қадар давом этади.
Т.Рўзиев, ЎзА
