Биылғы 2018/19 жылғы футбол маусымындағы Еврокубоктардың жеңімпаздары, Чемпиондар Лигасы жеңімпазы «Ливерпуль» мен Лига Европа ойындарының мықтысы «Челси» клубы УЕФА-ның арнайы жүлдесі Суперкубокқа қарсы таласқа түспек. 

Кездесу бүгін кешке Стамбулдағы «Водафон Арена» атты стадионда, алғаш рет әйел төрешілер басқаруында өтпек. 

Ағылшынның қос командасы биылғы АПЛ-дағы жаңа маусымда бір-бір ойыннан өткізді. Мерсисайдтықтар алғашқы қадамын жеңіспен бастаған болса, Лондондықтар жаңа маусымды, жаңа бапкермен жеңіліспен ашты. Ал екі клубтың Супрекубок тарихындағы ойындарының финалдық кездесулерінде «Ливерпуль» клубының біршама тәжірибесі көбірек. 

Суперкубок тарихында алғаш рет 1973 жыл Амстердамның «Аякс» клубы жеңіске жеткен. Ал өткен жылғы 43 рет ұйымдастырылған турнирдің 2017/18 маусымында Мадриттің қос клубы арасында өткен кездесуде «Атлетико» клубы жеңіске жеткен еді.