Өзбекстанның көрші елдердегі (Қазақстан, Қырғызстан және Тәжікстан) ЖОО-да оқитын азаматтары өз оқуын Өзбекстандағы білім ордаларына көшіру мерзімі 15 ақпаннан 15 наурызға дейін ұзартылды.

Оқуды көшіру процесінде ешқандай емтихандар алынбайды, алайда бұл келісім-шарт арқылы яғни ақылы түрде жүзеге асырылады. Азаматтарға қолайлылық жасау мақсатында ұзартылған мерзім кезінде республиканың барлық аймақтарының бір жоғары оқу орнында аймақтық жұмыс топтары құрылды, -деп жазады агенттік хабарламасында.

Азаматтардан оқу бағдарламасын көшіруде сұралатын талаптар: Өтініш(сол ортада толтырылады), рейтинг кітабшасы немесе академиялық анықтама (транскрипт) көшірмесі мен паспорт көшірмесі сұралады.