Сирдарё вилояти божхона бошқармаси ташаббуси билан Сирдарё туманидаги “Мурувват” аёллар интернат уйи тарбияланувчилари учун эсда қоларли саёҳат ташкил этилди. Улар Тошкент вилоятидаги муқаддас масканлардан бири — “Занги ота” зиёратгоҳини томоша қилишди.

Бу зиёрат иштирокчилар учун оддий саёҳат эмас эди. У аслида қалбларга нур, ором,  илиқлик бахш этгувчи, руҳни юксакка кўтарувчи маънавий сафар бўлди.

– Яратилган шарт-шароит, кунларимизни мазмунли ва хотиржам ўтказиш учун кўрсатилаётган ғамхўрлик — буларнинг барчаси бизни қувонтиради, – дейди тарбияланувчилардан бири Муаззам ая. – Аввало, бунинг учун Президентимизга чексиз миннатдорлик билдирамиз. Бизга кўрсатилаётган эътибор ва меҳрни умримиз охиригача қадрлаймиз.

Ғулом Примов, ЎзА мухбири