Аёл нафосат ва латофат билан бирга куч ва ирода соҳибасидир. У қийинчиликлар олдида тиз чўкмайди, балки тўсиқларни сабр билан енгиб ўтади. Шу боис аёлни эъзозлаш, қадрлаш ва ҳурмат қилиш ҳар бир инсоннинг бурчидир.

“Рассом устахонаси” лойҳасининг бу галги қаҳрамони истеъдодли рассом Нодира Орипова. У 1959 йилда Самарқанд вилоятининг Каттақўрғон туманида туғилган. 1980 йили П.Беньков номидаги Республика рассомчилик билим юртини, сўнгра М. Уйғур номидаги Театр ва рассомчилик институтини тамомлаган. Бир қанча Республика ва халқаро кўргазмалар қатнашчиси. Асарлари АҚШ, Германия, Франция, Белгия, Туркия каби қўплаб мамлакатларнинг музей ва шахсий коллекцияларида сақланади. 

Нодира Орипова замонавий ўзбек рассоми ва бадиий санъат ихлосмандларига таниш ижодкорлардан бири. Рассомнинг асарларида қадимий Самарқанд тарихи ва маликалар образи замонавий бадиий талқинда тасвирланади. Асосий ғоя аёл образи, миллий либослар, шарқона безаклар ва рамзий композиция воситаларида кучли ифодаланади. Уларда миллий меъморчилик ва шарқ миниатюраси таъсири сезилади. “Варахша гўзали”, “Афросиёб маликалари туркумидан”, “Санамлар сайри”, “Сирли суҳбат”, “Қизил атиргул”, “Анорли қиз”, “Мусиқачи қизлар”, “Мозийдан садо”, “Мовий капалак”, “Саҳро афсонаси”, “Шарқ келинлари” каби асарлари ана шулар жумласига киради.

Батафсил видео давомида:

<iframe width="640" height="420" src="https://www.youtube.com/embed/AvHq2-zMOiM" title="Nodira Olimova: insonni ayol obrazida chizdim" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мунира Рамазонова, Нишонбой Абдувоитов, ЎзА