Осиё кубогини якунлаган футболчи қизларимиз энди қитъалараро турнирда қатнашади
Бугун, 19 март куни Австралияда футбол бўйича давом этаётган аёллар жамоалари ўртасидаги Осиё кубогида Ўзбекистон терма жамоаси қизлари навбатдаги учрашувда майдонга тушди.
Филиппин жамоасига қарши ўйиннинг биринчи бўлимида томонилар муроса йўлини танлаган бўлса, 2-бўлимда футболчи қизларимизнинг йўл қўйган хатоларидан Филиппин жамоаси аъзолари усталик билан фойдаланди ва ўйинни 0:2 ҳисобида ўз фойдаларига ҳал этди.
Энди Ўзбекистон аёллар терма жамоаси қитъалараро мусобақада иштирок этади. Қитъалараро турнир низомга биноан икки босқичдан иборат этиб белгиланган. Биринчи босқич ноябрь-декабрь ойида бўлиб ўтади.
Агар футболчи қизларимиз биринчи босқичдан муваффақиятли ўтса, келаси йил Бразилияда бўлиб ўтадиган Жаҳон чемпионатига чиқиш учун иккинчи босқичда иштирок этиш ҳуқуқига эга чиқади.
Т. Рўзиев, ЎзА
