«Ҳурмуз фақат душман учун ёпиқ» — Эрон айрим давлатлар учун нефть транзитига рухсат берди (+видео)

-

Бокуда суд франциялик тадбиркор Мартин Раянни жосусликда айбдор деб топиб, 10 йилга озодликдан маҳрум қилинди, шу иш доирасида Озарбойжон фуқароси Азад Мамедли ҳам 12 йилга қамалди; Польша қирувчи самолётлари Болтиқ денгизида Россиянинг Ил-20 разведка самолётини кузатиб чиқди, самолёт Полша ҳаво ҳудудини бузмаган, аммо транспондери ўчирилган эди; Кения ташқи ишлар вазири Мусалия Мудавади Москвада Сергей Лавров билан учрашувдан сўнг кенияликлар энди Украинадаги урушга жалб этилмаслигини билдирди; ЕИ Бучадаги қотилликлар учун масъул деб топилган тўққиз нафар шахсга, жумладан Россия ҳарбий қўмондони Александр Чайкога санкциялар жорий қилди; Кубада йирик энергетик узилиш сабаб қарийб 10 миллион аҳоли электрсиз қолди ва норозилик намойишлари кузатилди; Эрон эса Ҳурмуз бўғози орқали айрим давлатлар нефть танкерларига рухсат берганини маълум қилди ва АҚШ ҳарбий амалдорлари Трампга Эрон билан урушни тугатиш бўйича турли вариантларни тақдим этди. 

<iframe width="650" height="420" src="https://www.youtube.com/embed/tLo13S2XLK8" title="“Hormuz faqat dushman uchun yopiq” — Eron ayrim davlatlar uchun neft tranzitiga ruxsat berdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Бокуда франциялик шахс жосуслик айби билан 10 йилга ҳукм қилинди

Бокудаги суд франциялик тадбиркор Мартин Раянни Тоғли Қорабоғ можароси вақтида Озарбойжон армияси ҳақида махфий маълумот тўплаганликда айбдор деб топиб, 10 йилга озодликдан маҳрум қилди, шу иш доирасида Озарбойжон фуқароси Азад Мамедли ҳам давлатга хиёнат айби билан 12 йилга қамалди; иккаласи ҳам ўз айбини рад қилган ва Раян судда Франция дипломатлари билан учрашганини тан олган, бироқ махфий маълумот узатмаганини билдирган.

Польша яна бир Россия разведка самолётини тўхтатиб қолди

Польша қирувчи самолётлари Болтиқ денгизи осмонида Россиянинг Il-20 разведка самолётини кузатиб чиқди; икки MiG-29 самолёти бортни визуал аниқлаб, ўз масъулият ҳудудидан кузатган, самолёт Польша ҳаво ҳудудини бузмаган, аммо транспондери ўчирилган ва олдиндан парвоз режаси тақдим этилмаган, бу йил халқаро ҳаво ҳудудида Россия разведка миссиясини амалга оширишнинг тўққизинчи ҳолати бўлди.

Кения ТИВ: кенияликлар энди Украинадаги урушга ёлланмайди

Кения ташқи ишлар вазири Мусалия Мудавади Москвада Сергей Лавров билан учрашувдан сўнг, кенияликлар энди Россия томонида Украинадаги урушда ёлланмаслигини билдирди, томонлар Россияда бўлиб турган Кения фуқаролари масаласини муҳокама қилиб, ёллаш амалиётини тўхтатишга келишиб олди, аввалги маълумотларга кўра мингдан ортиқ кениялик фронтга жалб қилинган бўлиши мумкин эди.

ЕИ Бучадаги қотилликлар учун масъул шахсларга қарши санкциялар жорий қилди

Европа Иттифоқи 2022 йилда Киев вилоятидаги Буча шаҳрида содир этилган ҳарбий жиноятлар билан боғлиқ тўққиз нафар шахсга, жумладан Россия Шарқий ҳарбий округининг собиқ қўмондони Александр Чайкога нисбатан санкциялар жорий қилди; улар тинч аҳолига қарши зўравонликлар содир этилган пайтда ҳарбий бўлинмаларга раҳбарлик қилган ва ЕИ Россиянинг урушини қўллаб-қувватлаган бошқа тўрт нафар шахсга ҳам чеклов чораларини қўллади.

Кубада 10 миллион аҳоли электр таъминотисиз қолди

Кубада йирик энергетик узилиш юз бериб, тахминан 10 миллион аҳоли электрсиз қолди; давлат электр тармоқлари тизимидаги носозлик туфайли энергия босқичма-босқич тикланмоқда, сўнгги ҳафталарда узилишлар тез-тез кузатилган, 14–15 март кунлари норозилик намойишлари бўлиб ўтган ва айрим ҳудудларда тартибсизликларга айланган, вазият эскирган инфратузилма ва ёқилғи етишмовчилиги билан изоҳланмоқда.

«Ҳурмуз фақат душман учун ёпиқ» — Эрон айрим давлатлар учун нефть транзитига рухсат берди

Эрон ташқи ишлар вазири Аббос Аракчи Ҳурмуз бўғози орқали айрим давлатларнинг нефть танкерларига рухсат берилганини маълум қилди, бўғоз фақат «душманлар ва тажовузкорларни қўллаб-қувватловчилар» учун ёпиқ, бошқа давлатлар махсус рухсат асосида ҳаракатланади ва танкерларга Эрон ҳарбийлари билан мувофиқлаштириш шарти қўйилган; сўнгги кунларда Ҳиндистон, Покистон, Туркия ва Бангладешга тегишли танкерлар бўғоздан муваффақиятли ўтган.

АҚШ ҳарбий амалдорлари Трампга урушни тугатиш бўйича вариантлар берди

АҚШ ҳарбий мулозимлари президент Дональд Трамп учун Эрондаги урушни тугатиш бўйича турли вариантларни тайёрлади; стратегик жиҳатдан муҳим Ҳурмуз бўғозини назорат қилаётган Эрон билан можаро давом этар экан, Трампнинг маслаҳатчилари глобал иқтисодий беқарорликни камайтириш ёки Эрон таъсирини чеклаш каби ёндашувларни муҳокама қилмоқда, Пентагон дастлаб 4–6 ҳафталик операция муддатини ҳисоблаб чиқган, Трамп эса урушни тугатиш шартларини етарли эмаслигини ва Эрон режимини ўзгартириш зарурлигини таъкидлаб келмоқда.

Нозимбек Мардонов, Ойбек Давронов, Салим Обиджонов ЎзА