WTA рейтингида теннисчи қизларимизнинг кўрсаткичи қандай?
Халқаро аёл теннисчилар ассоциацияси (WTA) эълон қилган янгиланган рейтингда мамлакатимиз профессионал теннисчиларининг кўпчилиги ўз натижаларини яхшилашга муваффақ бўлди.
Ўзбекистоннинг биринчи рақамли аёл теннисчиси Камилла Раҳимова кўрсаткичини 6 поғонага юксалтириб, ТОП-100ликда 82-қаторни банд этди.
Ўзбекистоннинг учинчи рақамли ракеткаси ҳисобланган Мария Тимофеева натижасини олти поғонага яхшилади. Полина Кудерметова 6 ўринга пастлаши туфайли Тимофеева Ўзбекистоннинг иккинчи ракеткаси мақомига кўтарилиб олди.
Терма жамоамиз аъзоси Милана Масленкова энг катта юксалишга эришди. У 107 поғонага кўтарилди. Литвадан маҳаллийлаштирилган Лайма Владсон рейтингда пастлаган икки теннисчимиздан бири бўлди. У 8 ўрин қуйига тушди. Қолган барча теннисчиларимиз ўз ўринларини бирмунча яхшилади. Влада Якшибарова 2, Севиль Юлдашева 4, Нигина Абдураимова 15, Диана Яковлева 9 ўринга кўтарилди.
Дунё теннисчиларининг кучли ўнталигида ҳам бир нечта ўзгариш юз берди. Индиан-Уэллс турнирида финалгача етиб борган қозоғистонлик Елена Рибакина бир поғонага юқорилаб, дунёнинг иккинчи ракеткасига айланди. Финалда Рибакинани мағлуб этган беларуслик Арина Соболенко WTA рейтингида пешқадамлик қилаётган бўлса, полшалик Ига Свёнтек 3-ўринда қайд этилди.
Т.Рўзиев,
ЎзА
