Спорт гимнастикаси: Оксана Чусовитина Жаҳон кубогида 4-ўринни эгаллади
Туркиянинг Анталия шаҳрида спорт гимнастикаси бўйича поёнига етган жаҳон кубогининг навбатдаги босқичида мамлакатимиз вакиллари муносиб иштирок этди.
Дунёнинг 45 та мамлакатидан 170 нафарга яқин маҳоратли спортчилар иштирок этган жаҳон кубогининг мазкур босқичида афсонавий гимнастикачимиз Оксана Чусовитина таяниб сакраш дастурида, Абдулазиз Мирвалиев эркин машқ дастурида финал йўлланмасини қўлга киритганди.
Кеча финал босқичида совринли ўринлар учун кечган баҳсларда Чусовитина 13.133 очко билан тўртинчи, Мирвалиев эса 13.233 очко билан бешинчи ўринни эгаллади.
Жаҳон кубогининг навбатдаги босқичи жорий йил 3-6 апрель кунлари Мисрнинг Қоҳира шаҳрида ташкил этилади.
Т.Рўзиев, ЎзА
