Қандли диабет – дунёдаги энг кенг тарқалган касалликлардан бири. Ҳар 10 катта ёшли одамдан 1 таси диабетга чалинган, лекин уларнинг 40 фоизи ҳатто қандли диабет касаллиги борлигини ҳам билмайди.

The Lancet Diabetes & Endocrinology журналида чоп этилган йирик тадқиқотга кўра, 2000–2023 йиллар оралиғида 204 мамлакатда ўрганилган маълумотлар шуни кўрсатадики –15 ёшдан катталар орасида диабетга чалинганларнинг 44 фоизига ҳали ташҳис қўйилмаган. Яъни, бу одамлар соғлиғида муаммо борлигини сезмай юришмоқда. Тадқиқотчиларнинг фикрича ёшлар орасида ҳолат айниқса хавотирли. 35 ёшдан кичиклар орасида фақат 20 фоизи диабет борлигини билади.

Аҳоли яшаш тарзи юқори бўлган мамлакатларда касаллик тезроқ аниқланади, лекин камбағал давлатларда бу рақам жуда паст.

Қандли диабетни эрта аниқлаш — ҳаётни сақлаб қолади:

 - Юрак-қон томир касалликлари  

 - Буйрак етишмовчилиги

 - Кўриш қобилиятининг йўқолиши

ва бошқа оғир асоратларнинг олдини олиш мумкин.

Аммо муаммо шундаки, дастлабки босқичда кўпчиликда ҳеч қандай аломат бўлмайди.

Диабет аломатлари нималар?

- Чанқоқлик

-Тез-тез оч қолиш

-Кўришнинг ёмонлашуви

-Чарчоқ ва вазн йўқотиш

Агар ўзингизда ёки яқинларингизда шу белгилар бўлса — шифокорга мурожаат қилинг. Скринингдан ўтинг, ҳаётингизни асранг!

<iframe width="791" height="445" src="https://www.youtube.com/embed/cWisDCPL0jQ" title="Dunyo bo`yicha 40% odam diabet borligini bilmaydi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Искандар Исматов (видео), ЎзА