Юртимизнинг Фавқулодда ва мухтор элчиси (қароргоҳи Будапешт шаҳрида жойлашган) Ойбек Шахавдинов Сербия Ташқи ишлар вазирлиги Дипломатик протокол раҳбари Бранко Радовановичга ишонч ёрлиқлари нусхаларини топширди.

Ўзаро мулоқот чоғида томонлар Ўзбекистон-Сербия муносабатларини янада мустаҳкамлаш масалаларини муҳокама қилишган.

Бранко Радованович Ўзбекистоннинг Сербияга биринчи элчиси тайинланганини олқишлаб, бу қадам икки томонлама ҳамкорликнинг бутун йўналишига янги суръат бағишлашини таъкидлади.

Маълумот ўрнида, дипломатимиз Ойбек Шахавдинов 2024 йил 13 декабрь куни Словения Президенти Наташа Пирц Мусарга ишонч ёрлиқларини топширган эди. У шунингдек, диёримизнинг Венгриядаги биринчи ҳамда ўриндошлик асосида Хорватия ва Черногориядаги элчиси ҳам ҳисобланади.

ЎзА