Пахтаобод туманига янги ҳоким тайинланди
Тайинлов
Халқ депутатлари Пахтаобод тумани кенгашининг навбатдан ташқари сессияси бўлиб ўтди. Сессияда ташкилий масала – Пахтаобод тумани ҳокимини тайинлаш масаласи кўриб чиқилди.
Сессияда туман ҳокими лавозимига Саттаров Давронбек Хасанбоевич номзоди бир овоздан маъқулланиб, туман ҳокими вазифасига тайинланди.
Давронбек Саттаров 1984 йилда Андижон вилояти Пахтаобод туманида туғилган. У 2005 йилда Андижон давлат тиллар педагогика институтини (кундузги), 2020 йилда Ўзбекистон Республикаси Давлат бошқаруви академиясини (кундузги) тамомлаган.
Давронбек Саттаров ушбу лавозимга тайинлангунига қадар, Андижон вилояти ҳокимининг туризм, маданият, маданий мерос ва оммавий коммуникациялар масалалари бўйича ўринбосари вазифасида фаолият олиб борган.
ЎзА