Ёш хоккейчиларимиз илк бор жаҳон чемпионатида қатнашмоқда
Бугун, 28 февраль куни Таиланд пойтахти Бангкок шаҳрида хоккей бўйича U18 жаҳон чемпионатининг дивизион ўйинлари бошланади.
Ўз тарихида биринчи бор жаҳон чемпионатида қатнашаётган хоккей бўйича Ўзбекистон U18 терма жамоаси III дивизионнинг “Б” гуруҳида Люксембург, ЖАР, Туркманистон, Босния ва Герцеговина ва Таиланд жамоалари билан куч синашади.
Хоккейчиларимиз бугун илк ўйинни ЖАР жамоасига қарши ўтказади. Шундан сўнг ҳамюртларимиз 1 март куни Люксембург, 3 мартда Туркманистон, 4 мартда Босния ва Герсеговина ва 6 март куни Таиланд жамоалари билан рўбарў келади.
Т.Рўзиев, ЎзА