![](https://cdn.uza.uz/2024/01/27/05/35/A1gSIHUIFmasyKEFj2yWLnouu8WlqiJa_normal.jpg)
Germaniya hamkorlik loyihasi doirasida maktabga zamonaviy texnik jihozlar va o‘quv qo‘llanmalari yetkazib berildi.
Buxoro viloyati Vobkent tumanidagi 1-umumta’lim maktabi ZFA –Germaniyaning xorijdagi nemis tilini o‘rganayotgan maktablarni qo‘llab-quvvatlash tashkiloti hamkorlik loyihasi a’zosi sanaladi.
![](https://cdn.uza.uz/2024/01/27/05/35/bVqzsspeugPFT4UJNiCccTe8LZjBs7PC_front.jpg)
Loyiha doirasida har yili maktab o‘qituvchilari poytaxtimiz va Germaniyada malaka oshirib qaytadi. Shuningdek, germaniyalik mutaxassislar tomonidan maktabda turli seminarlar, mahorat darslari tashkil etiladi.
![](https://cdn.uza.uz/2024/01/27/05/35/TsXJMFVPrh32zkbpV9Vw4Wd7naw5C2M5_front.jpg)
Kuni kecha ZFA tomonidan yana bir tashabbus amalga oshirildi. Maktabga zamonaviy noutbuk, ovoz kuchaytirgich, nusxa ko‘chiruvchi kabi apparatlar, jami 1000 yevro miqdoridagi qo‘llanma va lug‘at kitoblari, ko‘rgazmali qurollar yetkazib berildi.
![](https://cdn.uza.uz/2024/01/27/05/35/mu0kKKBSsRCJ02CudHwl2nGcwXohVFcC_front.jpg)
Bu maktabda nemis tilini o‘qitish sifatini oshirish va fan o‘qituvchilarini metodik qo‘llab-quvvatlashga xizmat qiladi.
Zarif Komilov,
O‘zA muxbiri