“InnoWeek.Uz-2024” xalqaro innovatsion g‘oyalar haftaligi doirasida, Vengriyaning “Startup Campus Incubator Zrt.” kompaniyasi hamda boshqa xorijiy hamkor tashkilotlar bilan birgalikda “Innogen youth program” dasturi doirasida tadbir tashkil etildi. Tadbirda Vengriyaning O‘zbekistondagi favqulodda va muxtor elchisi Jozef Rozsa, vazirlik va idoralar rahbarlari, startapchilar, innovatsion texnologik parklar, mahalliy va xorijiy kompaniya vakillari, soha mutaxassislari, Vengriyaning “Startup Campus Incubator Zrt.” kompaniyasi vakillari, ilmiy muassasalar, venchur fondlar hamda Oliy ta’lim muassasalari professorlari ishtirok etishdi.
Ma’lumot uchun: Startup Campus - bu g‘oya bosqichidan bozorga chiqishgacha bo‘lgan innovatsion bizneslar uchun global dastur hisoblanadi. Ushbu dasturini davomli amalga oshirish maqsadida Oliy ta’lim, fan va innovatsiyalar vazirligi kuzatuv kengashining 2024 yil 15 yanvardagi 11-son bayoniga asosan 2024 yil may oyida Vengriyaning Budapesht shahriga qisqa muddatli ilmiy stajirovka amalga oshirilgan “Innogen youth program” dasturi doirasida Oliy ta’lim muassasalarining magistr va PhD talabalari, ilmiy-tadqiqot muassasalari vakillari hamda kichik va o‘rta biznes sub’ektlari vakillari jalb qilingan holda kimyo texnologiyalari, to‘qimachilik, muqobil energetika, bio preparatlar hamda suv tejash texnologiyasiga asoslangan loyiha egalarini jalb qilinadi.
O‘tkazilgan tadbir davomida ishtirokchilar o‘zlarining loyihalar taqdimotini amalga oshirib, sertifikat hamda esdalik sovg‘alar bilan taqdirlandilar. Dasturning eng faol ishtirokchilari dunyoning yetakchi startaplarni qo‘llab-quvvatlovchi kompaniyalari dasturlarida o‘z loyihalarini olib chiqish imkoniyatiga ega bo‘ladilar.
<iframe width="650" height="420" src="https://www.youtube.com/embed/Rhct0d1q4CE" title="Yoshlar uchun yangi dastur taqdimoti oʻtkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>M.Turdaliyeva, N. Abduvoitov (video), O‘zA