Ёш изланувчи яратган илова шахсий харажатларни назорат қилишга кўмаклашмоқда (+видео)
Президент Шавкат Мирзиёев Кўксарой қароргоҳида бўлиб ўтган ёшлар билан мулоқот доирасида “Рақамли технологиялар йўналишида энг яхши стартап” – “President Tech Award” лойиҳаси ғолибларининг тақдимоти билан танишди.
Стартап лойиҳаси тақдимотини ўтказган 21 ёшли Ҳабибуллоҳ Ҳаллоқов ўзининг инновацион стартапи ва шахсий тажрибаси ҳақида бизга гапириб берди.
— Илк ойлигимни олганимда ўзимни жуда яхши ва эркин ҳис қилганман. Лекин орадан бироз вақт ўтмай, пулларимни қаерга ҳаражат қилганимни тушунмай қолганман. Ҳатто дўстларимдан қарз олишга мажбур бўлган эдим. Бу ҳолат кейинги ойлар давомида ҳам такрорланди.
Ўшанда харажатларимни назорат қилмаганим ва молиявий саводхонлигим йўқлиги хатойим эканини англадим. Кўпчилик яхши даромад топса ҳам пулини тўғри бошқара олмайди. Бу эса оиладаги стресс ва қарзлар ортишига олиб келади. Шу муаммога ечим сифатида “Karmon AI” лойиҳасини яратдим.
Бугунги кунда иловадан 20 мингдан ортиқ одам фойдаланмоқда. Фойдаланувчилар атиги уч ой ичида молиявий интизомни ўртача 70 фоизга ошириб, кундалик шахсий харажатларини 25 фоизгача камайтиришга эришди.
Бу борада келгусида бошқаларга янада кўпроқ нафи тегадиган катта-катта лойиҳаларни амалга оширамиз.
Батафсил қуйидаги видеода...
<iframe width="640" height="480" src="https://www.youtube.com/embed/w92Uk2qc3wA?si=nHw8poHjB99Mj9IQ" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Марҳабо Ҳожиакбарова,
Искандар Исматов (видео),
ЎзА
