XXR Raisi O‘zbekiston tashqi ishlar vazirini qabul qildi
Xitoy Xalq Respublikasi Raisi Si Szinpin O‘zbekiston tashqi ishlar vaziri Baxtiyor Saidovni qabul qildi.
Dastlab vazirimiz Xitoy yetakchisiga O‘zbekiston Respublikasi Prezidenti Shavkat Mirziyoyevning samimiy tilaklarini yetkazdi.
Tomonlar savdo, transport o‘zaro bog‘liqlik va madaniy almashinuv kabi muhim yo‘nalishlarga alohida e’tibor qaratgan holda, ikki tomonlama hamkorlikning dolzarb masalalarini muhokama qildilar.
Izchil rivojlanish, mintaqaviy barqarorlik va umumiy farovonlikni ta’minlash maqsadida SHHT doirasida har tomonlama strategik sheriklikni yanada chuqurlashtirish va o‘zaro hamkorlikni mustahkamlashga tayyorlik tasdiqlandi.
O‘zA