Ayni kunlarda Fransiyada nufuzli 77-Kann kinofestivali davom etmoqda.

Uning doirasida Fransiya Madaniyat vazirligi huzuridagi Milliy kino va animatsiya markazi (CNC) ko‘magida Markaziy Osiyo iste’dodlari pitchingi o‘tkazildi. Unda rejissyor Sherzod Nazarov "Hamshira" nomli kinoloyihasi bilan ishtirok etdi. Fransiyalik kinoprodyuserlar ushbu loyihaga katta qiziqish bildirdi.  

Tanlovda O‘zbekistondan tashqari Qozog‘iston, Qirg‘iziston, Tojikistondan yosh ijodkorlar qatnashdi.  

Qolaversa, O‘zbekiston pavilonida kino studiyalar bilan hamkorlikda filmlar suratga olish bo‘yicha muzokaralar davom etmoqda. Shuningdek, o‘zaro uchrashuvlar davomida Sherzod Nazarovning "Hamshira" loyihasi bo‘yicha hamkorlik qilish masalasi ham ko‘rib chiqildi, deb xabar qilmoqda  

Milliy kinematografiyani rivojlantirish markazi axborot xizmati.  

 

N.Usmonova,  

O‘zA