Xalqaro informatika olimpiadasi yoshlarimiz 3 ta medal qo‘lga kiritdi
Osiyo-Tinch okeani mintaqasi informatika olimpiadasi (APIO 2025) ning yakuniy natijalari e’lon qilindi.
40 dan ziyod davlatdan 900 ga yaqin o‘quvchi yoshlar ishtirok etgan musobaqada o‘zbekistonlik uch nafar yosh dasturchi BRONZA MEDALI bilan taqdirlandi:
— Javohir Toshtemirov – Mirzo Ulug‘bek nomidagi ixtisoslashtirilgan maktabning 11-sinf o‘quvchisi;
— Izzat Akbarov – Muhammad al-Xorazmiy nomidagi ixtisoslashtirilgan maktabning 9-sinf o‘quvchisi;
— Timur Qadirbergenov – Nukus shahridagi Prezident maktabining 10-sinf o‘quvchisi.
Musobaqa O‘zbekiston mezbonligida, onlayn tarzda o‘tkazildi, deb xabar berdi O‘zbekiston Raqamli texnologiyalar vazirligi matbuot xizmati. Qayd etilishicha, ishtirokchilar 5 soat davomida C++ tilida murakkab algoritmik masalalarni yechish orqali bellashdi.
Umidjon Qurbonov, O‘zA