Теннисчиларимиз халқаро турнирда чорак финалга чиқди

Фарғонада ўсмирлар ўртасида Халқаро теннис федерацияси томонидан ташкил этилаётган J60 таснифидаги турнирнинг яккалик ва жуфтлик баҳсларида чорак финалга йўл олган вакилларимиз номи аниқ бўлди.

Аниқроқ айтадиган бўлсак, мусобақанинг ўғил болалар ўртасидаги 1/4 финал босқичида икки ҳамюртимиз Никита Ғафуров ва Данила Квасов ўзаро тўқнаш келса, Аҳмаджон Тошмуҳаммедов нейтрал теннисчи Алексей Илинни синовдан ўтказади.

Жуфтликлар ўртасида эса Юсуфбек Маликов ва Бексултон Воҳидов тандеми хитойлик Женг Чен ва Юхуан Ли дуэти билан куч синашади. Шунингдек, Акмал Абдуллаев ва Суҳроб Саидов нейтрал теннисчилар Виктор Макаров ва Артем Стариковга қарши кортга чиқади.

Қизлар орасидаги яккалик баҳсларида Нигина Алимова қозоғистонлик Еркезжан Жанатаева билан рақобатлашади.  

Шунингдек, ёш теннисчимиз Алина Чепелинская испаниялик Даша Юффа билан тандем ҳосил қилиб жуфтликлар ўртасида 4-рақамда сараланган қозоғистонлик теннисчилар Гулден Азаматкизи ва Ясмин Дюссемдаева билан ярим финал остонасида баҳс олиб боради.

Жавоҳир Тошхўжаев,

ЎзА