Bugun CIPCC dasturi doirasida Xitoyda bo‘lib turgan xalqaro jurnalistlar uchun Pekin shahrining Tongchjou tumaniga mediatur tashkil qilindi.

Mediatur doirasida bir qancha ob’ektlarga borildi, lekin menga eng yoqqani Xitoyning boy hunarmandchilik an’analarini saqlab qolish va rivojlantirishga katta e’tibor qaratayotgan Dongfang Yizhen filigranli inklyustratsiya fabrikasi bo‘ldi. Bu fabrikada filigran san’ati va zamonaviy texnologiyalarni muvaffaqiyatli birlashtirib, yuqori sifatli san’at asarlarini yaratiladi.

Filigran san’ati: qadimiy meros

Filigran — Xitoyning ming yillik tarixga ega bo‘lgan milliy badiiy san’at turlaridan biri. U metall simlar yordamida murakkab naqshlar va detallar yaratish san’ati bo‘lib, asosan qimmatbaho metalldan ishlangan bo‘lishi mumkin. Bu texnologiya nafaqat zargarlik buyumlarida, balki interer bezaklarida ham keng qo‘llaniladi. Filigran san’ati Xitoy madaniyatining o‘ziga xos ramzi bo‘lib, milliy boylik sifatida qadrlanadi.

Dongfang Yizhen fabrikasining o‘ziga xosligi

Dongfang Yizhen filigranli inklyustratsiya fabrikasi qadimiy filigran texnologiyalarini saqlab qolish bilan birga, zamonaviy dizayn va texnologik yechimlarni ham faol qo‘llamoqda. Bu fabrika Xitoyda filigran san’atining asosiy markazlaridan biri sifatida tanilgan va bir nechta milliy va xalqaro mukofotlarga sazovor bo‘lgan.

Fabrikada ishlab chiqarilayotgan mahsulotlar yuqori sifatli xom ashyodan — qimmatbaho metallar (oltin, kumush) va nodir toshlardan tayyorlanadi. Hunarmandlar eng nozik naqshlarni qo‘l mehnati bilan yaratadilar, bu esa har bir mahsulotni yagona va san’at asariga aylantiradi.

Yangi texnologiyalarni qo‘llash

An’anaviy hunarmandchilik usullari bilan bir qatorda, fabrika zamonaviy texnologiyalarni ham muvaffaqiyatli joriy qilgan. Kompyuter yordamida dizayn qilish va 3 D modellashtirish texnologiyalari filigran naqshlarini yanada aniq va murakkab darajada bajarish imkonini beradi. Shuningdek, yangi ishlov berish texnikalari filigran mahsulotlarining mustahkamligi va chidamliligini oshiradi, bu esa mahsulotlarning bozor talablariga mos kelishini ta’minlaydi.

Mahsulotlar xilma-xilligi

Fabrika turli xil mahsulotlar ishlab chiqaradi, jumladan:

Zargarlik buyumlari (marjonlar, sirg‘alar, uzuklar, bilakuzuklar)

Uy bezaklari (vazalar, raqamlar, haykallar)

San’at asarlari (interer uchun eksklyuziv dizaynlar)

Bu mahsulotlar nafaqat Xitoy ichki bozorida, balki xalqaro bozorlar uchun ham mo‘ljallangan.

<iframe width="791" height="445" src="https://www.youtube.com/embed/Ox90GDREimw" title="Tarix va bugunni birlashtirgan Filigran san’ati haqida bilasizmi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Madaniy merosni saqlash va rivojlantirish

Fabrika filigran san’atining milliy meros sifatida saqlanishiga katta hissa qo‘shadi. Bu yerda an’anaviy hunarmandchilik ko‘nikmalarini yosh avlodlarga o‘rgatish uchun maxsus dasturlar tashkil etilgan. Fabrika nafaqat Xitoyda, balki xalqaro miqyosda ham tanilgan. Uning mahsulotlari ko‘plab xalqaro ko‘rgazmalarda namoyish etiladi va yuqori baholanadi.

Nozimbek Mardonov O‘zA

(Xitoy, Pekin shahri)