Pullik avtoturargoh: haydovçilar bilişi şart bölgan 5 ta muhim fakt
Yaqinda saytimizda poytaxt köçalarida paydo bölayotgan «Poytaxt parking» tizimi, uning işlaş tartibi va muammolari haqida tahliliy maqola eʼlon qilgan edik.
Mavzuning dolzarbligini hisobga olib, maqoladagi eng muhim maʼlumotlarni yana bir bor eslatib ötamiz:
Narxlar va abonementlar qança? Töxtaş joylari narxlari markazga yaqinligiga qarab 5 ta zonaga bölingan va soatiga 5 ming sömdan 12 ming sömgaça etib belgilangan. Doimiy harakatlanuvçilar uçun esa oylik abonementlar mavjud.
Uyining oldi pullik avtoturargohga aylanganlar nima qiladi? Şu hududda yaşovçi aholi my.gov.uz orqali bepul «rezidentlik ruxsatnomasi» olişi mumkin. Bu ruxsatnoma tungi vaqtda (20:00 dan 08:00 gaça) bepul avtoturargoh huquqini beradi. Agar kunduzi ham bepul qöymoqçi bölsangiz, yiliga 1 BHM (412 ming söm) tölaş kifoya. Bir xonadonga 2 tagaça ruxsatnoma beriladi.
Tölov qilmaganlarga jarima bormi? Statistikaga köra, kuniga 15 ming haydovçidan atigi 2-3 foizi (300-450 kişi) tölov qilmoqda. Hozirça tölamaganlarga jarima yöq, qarzdorlik ilovada körinib turadi. Ammo, bu borada qonunçilikka özgartiriş kiritiş va jarima qöllaş tartibi jamoatçilik muhokamasiga qöyilgan.
Maşina tirnalsa kim javob beradi? Yöl çetidagi pullik avtoturargoh – qöriqlanadigan avtoturargoh emas. Maşina şikastlansa yoki urib ketilsa, operator bunga javobgar bölmaydi. Bunday holatda zarar qoplanişi suğurta va YTHni rasmiylaştirişning umumiy qoidalari asosida hal qilinadi.
Oçiq qolayotgan savollar. Tizim yaxşi, lekin ayrim tor köçalarda, ayniqsa, şifoxonalar va poliklinikalar kabi ijtimoiy obʼektlar hamda taşkilotlar oldida avtoturargoh çiziqlari tortilişi odamlarga noqulaylik tuğdirmoqda. Bu masala mutaxassislar tomonidan yana bir bor körib çiqilişi maqsadga muvofiq.
Mavzu böyiça töliq maʼlumot va tafsilotlar bilan ÖzA muxbiri Norgul Abduraimovaning uşbu havoladagi мақоласида tanişişingiz mumkin.
