Parakanoe bo‘yicha Osiyo chempionati oltin medallar bilan boshlandi
Tailandning Pattayya shahrida parakanoe bo‘yicha Osiyo chempionatida O‘zbekiston parakanoe terma jamoasi a’zolari ham ishtirok etmoqda.
Musobaqaning ilk kunida Shahnoza Mirzayeva ayollar o‘rtasidagi KL2 tasnifidagi 200 metr masofada o‘tgan poygada marraga birinchi bo‘lib yetib kelgan bo‘lsa, erkaklar o‘rtasidagi KL3 tasnifidagi 200 metr masofada Hasan Qo‘ldoshev oltin medalga ega chiqdi.
Bugun Osiyo chempionati doirasidagi bellashuvlarda O‘zbekiston terma jamoasining 9 nafar a’zosi turli yo‘nalishlarda medallar uchun raqobatlashadi.
Javohir Toshxo‘jayev,
O‘zA