Oliy Majlis Senatiga Yaponiya adliya vaziri, Yaponiya parlamenti Vakillar palatasi deputati Keysuke Suzuki tashrif buyurdi.

Senat Raisi Tanzila Norboyeva bilan uchrashuvda O‘zbekiston va Yaponiya o‘rtasidagi hamkorlikning bugungi holati va uni rivojlantirish istiqbollari muhokama qilindi. Parlamentlararo muloqotni mustahkamlashga alohida e’tibor qaratildi.

Qayd etilganidek, «Yaponiya – O‘zbekiston» do‘stlik guruhlari faoliyati faollashtiriladi. Parlament qo‘mitalari o‘rtasida muntazam muloqot yo‘lga qo‘yiladi. Qonun ijodkorligi, parlament nazorati va hududiy vakillik organlari faoliyati sohalarida tajriba almashiladi.  

Tomonlar O‘zbekiston va Yaponiya o‘rtasidagi do‘stona munosabatlarni yanada mustahkamlash va amaliy hamkorlikni davom ettrishga tayyorligini bildirdi.

N.Abduraimova, O‘zA