Bugun Toshkent xalqaro investitsiya forumining uchinchi kungi tadbirlari bo‘lib o‘tmoqda.

Ko‘rgazmada neft-kimyo, mashinasozlik, qurilish, oziq-ovqat mahsulotlarini qayta ishlash va boshqa jadal rivojlanayotgan tarmoqlarda faoliyat olib borayotgan 90 ta yirik kompaniya o‘z stend va loyihalari bilan qatnashmoqda.   

Ko‘rgazmaning asosiy maqsadi esa xalqaro investorlar va mahalliy ishbilarmon doira vakillari o‘rtasida to‘g‘ridan-to‘g‘ri muloqot uchun maydon yaratish, hamkorlik imkoniyatlarini kengaytirish hamda tayyor investitsiya loyihalarini amaliyotga tatbiq etishdan iborat. Shu orqali O‘zbekistondagi qator tarmoqlarda yangi investitsiyaviy istiqbollar ochilishi kutilmoqda.   

Tashkilotchilarning ta’kidlashicha, ko‘rgazmada taqdim etilayotgan loyihalar yuqori texnologiyalar, eksportbop mahsulotlar ishlab chiqarish va barqaror iqtisodiy o‘sishni ta’minlashga yo‘naltirilgan. Ko‘plab investorlar ushbu imkoniyatlarni yaqindan o‘rganib, hamkorlik bo‘yicha muzokaralar olib bormoqda.   

[gallery-23878]

Mazkur ko‘rgazma nafaqat investitsion muhitni yaxshilash, balki mahalliy mahsulotlarni xalqaro bozorga olib chiqishda muhim qadam bo‘lib xizmat qilishi shubhasiz.  

<iframe width="640" height="420" src="https://www.youtube.com/embed/8Ssq9io2R-8" title="O`zbekiston milliy ko`rgazmasi forum ishtirokchilarining qiziqishini orttirdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Nasiba Ziyodullayeva,

Anvarxo‘ja Ahmedov (montaj), O‘zA