1 iyun – Xalqaro bolalarni himoya qilish kuni

Xalqaro bolalarni himoya qilish kuni arafasida “O‘zbek bolalar adabiyoti. Kichkintoy kitobxonlar uchun katta hikoyalar” nomli tanlangan hikoyalar to‘plami turk tiliga tarjima qilindi.

Toshkent davlat sharqshunoslik universitetida ushbu kitobning taqdimoti bo‘ldi.

Kitob yozuvchi Normurod Norqobilov qalamiga mansub. Unga bolalarda vatanga, ota-onaga va tabiatga sevgi-muhabbat tuyg‘ularini tarbiyalovchi “Quyosh botmaydigan yurt”, “O‘g‘il”, “Oqbo‘yin”, “Kapalak”, “Toshbaqa” kabi o‘ttizdan ortiq qissa va hikoyalar kiritilgan.  

Tarjima asarning dunyo yuzini ko‘rishida universitetning yosh ijodkorlardan iborat tarjimonlar guruhi, professor-o‘qituvchilar mehnati singdi.

Behruz Xudoyberdiyev, O‘zA