Osiyo chempionati o‘zbek bokschilari uchun g‘alabalarga boy o‘tmoqda
Iordaniyaning Amman shahrida o‘smirlar va kichik o‘smirlar o‘rtasida “World Boxing” tashkiloti tomonidan Osiyo chempionati bahslari o‘tkazilmoqda.
Mazkur chempionatning navbatdagi kunida O‘zbekiston o‘smirlar terma jamoasining besh nafar vakili – Dinislom Davlatyorov, Asadbek Esonboyev, Bobomurod Boymirzayev, Asilbek Abduqodirov va Sabrina Chakamanova ringga ko‘tarilib, ularning barchasi raqiblari ustidan zafar quchdi.
Bugun Osiyo chempionatida ikki nafar bokschimiz ringga ko‘tariladi. Jumladan, vazni -60 kg. bo‘lgan Abrorbek Sharipov tailandlik Santi Kayevboonraungga qarshi jang o‘tkazsa, -66 kg. vazn toifasida mamlakatimiz sharafini himoya qilayotgan Sunnatbek Ilhomov yaponiyalik Kunimitsu Honjo bilan raqobatlashadi.
Javohir Toshxo‘jayev, O‘zA