Олимлар глобал таҳдиддан хавотирда
Потсдам иқлим таъсирини ўрганиш институти (PIK) олимлари ўтказган тадқиқотда “Гольфстрим” оқими издан чиқиши иқлим фалокатига олиб келади, дея огоҳлантирилган.
“Бу ҳодиса глобал исиш жараёнига 0,2 даража қўшади”, дейилган шу ҳақдаги тегишли ҳисоботда.
Тадқиқотчилар компьютер моделлаштириш усулида ушбу муҳим оқимнинг издан чиқиши океан тубида қолиб кетган жуда кўп миқдордаги углерод ажралиб чиқишига олиб келишини аниқладилар.
– Ҳарорат ўзгариши жанубий океандан углерод сезиларли даражада ажралиб чиқиши билан боғлиқ жараён, – дея тушунтирган изланувчи Маттео Виллейт. Бунинг оқибатида чуқурдаги углеродга бой сув юзага чиқади.
Олим таъкидлашича, Шимолий ярим шарда ҳарорат кескин пасайишда давом этади, жанубда эса ҳарорат кескин кўтарилиб, Антарктида олти даражагача илиши мумкин.
С.Раҳимов, ЎзА
