Қашқадарё вилоятида IT соҳасини ривожлантириш ва масофавий хизматлар экспортини кенгайтириш бўйича муҳим учрашув бўлиб ўтди.

Вилоят ҳокими М.Азимов Масофавий хизматлар экспорт марказида соҳа вакиллари ҳамда ёш мутахассислар билан учрашди. Тадбирда IT ва хизматлар экспорти йўналишида фаолият юритаётган етакчи компаниялар вакиллари ҳам иштирок этди.

Учрашувда маҳаллий IT компанияларнинг экспорт салоҳиятини ошириш, глобал бозорларга чиқиш стратегияларини ишлаб чиқиш ва хорижий мижозлар билан ишлаш механизмларини такомиллаштириш масалалари муҳокама қилинди.

Шунингдек, вилоятда IT соҳасида бандликни ошириш, ёшларнинг рақамли кўникмаларини ривожлантириш ва уларни халқаро талаблар асосида тайёрлаш, дастурий таъминот, IT -стартапларни қўллаб-қувватлаш ва бошқа хизматларни халқаро миқёсда экспорт қилиш имкониятларига эътибор қаратилди.

Шу билан бирга, халқаро IT компаниялари ва инвесторларга вилоятдаги IT экотизимнинг имкониятларини таништириш, ҳамкорлик учун қулай шароитлар яратиш ва қўшма лойиҳаларни йўлга қўйиш масалаларига эътибор қаратилди.

Учрашув давомида вилоятда ёшларнинг глобал технологик бозорга чиқишига кўмаклашиш, шунингдек, хорижий компаниялар билан алоқаларни кенгайтириш бўйича аниқ таклифлар илгари сурилди.

Н.Раҳмонова,

ЎзА