Majburiy ijro byurosining Olmazor tuman bo‘limi ish yurituvida Fuqarolik ishlari bo‘yicha Shayxontohur tumanlararo sudining ijro varaqasiga asosan, qarzdor N.S.dan undiruvchi N.T. foydasiga 50 turdan ziyod mol-mulklarini olib berish to‘g‘risidagi ijro hujjati mavjud. Kelin bo‘lganiga hali ikki yil ham bo‘lmagan N.T. oilasi bilan ajrashib, kelinlik sarpolarini olish maqsadini bir necha marta sobiq turmush o‘rtog‘iga bildirgan. Biroq sobiq turmush o‘rtog‘i kelinga tegishli bo‘lgan mol-mulklarni berishni xohlamagan.

Shundan so‘ng, N.T. 50 turdan ziyod sarpolarini qonuniy olish maqsadida sudga murojaat qiladi.

Sudning ijro varaqasida kelinlik sarpolari olib berilishi to‘g‘risida qaror qilingan. Byuroning tuman bo‘limi davlat ijrochisi U.Mashhurov tomonidan majburiy ijro harakatlariga kirishilib, N.T. foydasiga kelinlik sarpolari olib berilib, mazkur ijro hujjati amalda tamomlangan.

O‘zA