“Amazon” asoschisi Jeff Bezos dunyoning eng boy odami bo‘yicha reytingdagi birinchilikni boy berdi.

“Forbes Real-Time” ro‘yxatida mazkur reytingni endilikda Louis Vuitton Moët Hennessy (LVMH) kompaniyalari egasi Bernar Arno boshqarayotgani ma’lum qilindi.

Ayni paytda Bezosning boyligi 192,4 milliard dollarga baholangan. Bernar Arnoning boyligi esa, “Forbes” tasnifiga ko‘ra, 192,9 milliard dollarga yetadi. Uchinchi o‘rinda, “SpaceX”  rahbari, “Tesla” ning bosh direktori Ilon Mask bo‘lib, uning boyligi 179,4 milliard dollar.

Bezos boyligi “Amazon” aksiyalari narxi tushgani uchun kamaygani aytilmoqda.