Amazon asoschisi Jeff Bezos “Louis Vuitton Moët Hennessy"ning egasi Bernar Arnoni ortda qoldirib, yana bir bor dunyoning eng badavlat odami maqomini egalladi. Arno esa birdaniga uchinchi o‘ringa tushib ketdi", deyiladi Forbes jurnalining “Real Time Billionaires” reytingi bilan bog‘liq ma’lumotida.

Bezosning boyligi 185,9 milliard dollar, Arnoniki – 175,7 milliard dollar deb baholangan. Arno birdaniga 19,2 milliard, ya’ni boyligining deyarli o‘n foizini yo‘qotish bilan kunning antirekordini qayd etgan. Ularning orasida Tesla kompaniyasi egasi Ilon Mask bo‘lib, uning boyligi 180,5 milliard dollar deb baholangan.

Ma’lumot uchun, dunyoning eng boy odamlari o‘ntaligida sakkiz nafar amerikalik va ikki nafar Fransiyalik fuqarolar qayd etilgan.