Osiyo olimpiya kengashi hamda Bahrayn Olimpiya qo‘mitasi III yoshlar Osiyo o‘yinlari o‘tkaziladigan sanalar va uning dasturidan o‘rin oladigan sport turlarini tasdiqladi.

Unga ko‘ra, musobaqa 2025 yilning 22-31 oktyabr kunlari Bahrayn mamlakatida bo‘lib o‘tadi.  

Dasturdan yengil atletika, badminton, basketbol 3x3, ot sporti, kibersport, futzal, golf, gandbol, dzyudo, jiu-jitsu, aralash jang san’ati turlari, veloshosse, suzish, stol tennisi, taekvondo WT, triatlon, sport kurashlari, og‘ir atletika, kabaddi, voleybol va tekbol kabi sport turlari o‘rin olgan.

Ma’lumot o‘rnida: Aslida mazkur musobaqa kelasi yili Toshkent shahrida o‘tishi lozim edi. Biroq turli sabablarga ko‘ra, musobaqa Bahrayn mamlakatida o‘tkazilishi belgilandi.

Javohir Toshxo‘jayev, O‘zA