Transport vazirligi matbuot xizmatining ma’lum qilishicha,

UzBus mobil ilova orqali foydalanuvchilar "Toshkent" avtovokzalidan amalga oshirilayotgan shaharlararo avtobus qatnovlariga chiptalarni elektron tarzda xarid qilishlari mumkin.  

Unga ko‘ra, yo‘lovchilar mobil ilova yordamida "Toshkent" avtovokzalidan amalga oshirilayotgan shaharlararo va xalqaro yo‘nalishlardagi qatnovlar jadvali bilan real vaqt rejimida tanishish imkoniyatiga ega.  

UzBus mobil ilovasi orqali hozirda Buxoro – Toshkent yo‘nalishidagi avtobus qatnovlariga ham chiptalarni elektron shaklda sotib olish mumkin.  

Bosqichma-bosqich barcha viloyatlardan Toshkent shahriga bajariluvchi qatnovlarga chiptalarni ushbu mobil ilova yordamida elektron xarid qilish imkoniyati yaratiladi.  

 

O‘zA