FOTOREPORTAJ

Bugungi kunda Buxoro viloyatida 548 ta davlat umumta’lim va 28 ta xususiy maktab davlat tilida faoliyat yuritmoqda. Ularda 31 ming nafar pedagog 330 ming nafardan ziyod o‘quvchiga ta’lim-tarbiya berayotir.

– Bolalarni vatanparvarlik ruhida tarbiyalash uchun 29 umumta’lim maktabida ona tilida ish yurituvchi “Parvoz” maktab elektron gazetasini tashkil etganmiz, - deydi boshlang‘ich ta’lim yo‘nalishi magistranti Dilrabo Fayzullayeva. – Shu bilan birga maktabda “Maktab ovozi” radio loyihasi yo‘lga qo‘yilgan. Ushbu loyiha o‘quvchilarni o‘zbek tilida chiroyli so‘zlashga o‘rgatish, nutqining ravonligini oshirish, dunyoqarashini kengaytirishga xizmat qilmoqda.  

Ta’kidlash kerak, so‘nggi yillarda viloyatda o‘qituvchilarning bilimi va kasbiy mahoratini oshirishga alohida e’tibor qaratilmoqda. Ana shunday chora-tadbirlar tufayli so‘nggi bir yilda malaka toifasiga ega o‘qituvchilar soni 20 mingdan 23 mingga, ya’ni 74 foizga yoki umumiy o‘rta ta’lim maktablaridagi oliy va birinchi toifali o‘qituvchilar ulushi 43 foizdan 47 foizga oshganligini kuzatish mumkin. Birgina, joriy yilning birinchi yarim yilligida o‘tkazilgan pedagog kadrlar attestatsiya natijalariga ko‘ra, Buxoro viloyati 62,5 foiz o‘rtacha natija bo‘yicha respublikada peshqadam hisoblandi. Shuningdek, yangi tartibdagi ommalashtirish platformasi orqali 370 nafar o‘qituvchining ish tajribasi tuman, 115 nafar o‘qituvchining ish tajribasi viloyat, 14 nafar o‘qituvchining ish tajribasi respublika miqyosida ommalashtirildi.

[gallery-19902]

Tohir ISTATOV (surat), O‘zA