Бангладеш давлатида асосан талабалар намойиши кўринишида давом этган оммавий тартибсизлик туфайли ҳалок бўлганлар сони 100 дан ошиб кетди. Бу ҳақда мамлакат касалхоналаридан олинган маълумотга таяниб “Франс Пресс” агентлиги маълум қилди.

Аввалроқ ҳаётдан кўз юмганлар 75 киши эканлиги ҳақида ёзилган эди. Ҳиндистон ТИВ матбуот хабарномасида ҳукумат Бангладешда таҳсил олаётган 4,5 минг талабани мамлакатга қайтаргани айтилган.

Сўнгги хабарларга қараганда, Непал, Мальдив ва Бутан ҳам фуқароларини Бангладешдан кўчириб келган.

Ушбу мамлакатда давлат лавозимларига имтиёзли ўрин бериш тизимига қарши ҳаракат бир неча ҳафтадан буён давом этяпти. Ўтган ҳафта охирига келиб, тартибсизлик янада кучайди.