Anxel Di Mariya JCh-2026 finalidagi mag'lubiyatdan so'ng Lionel Messiga murojaat qildi

Turnirning hal qiluvchi bahsida argentinaliklar Ispaniyaga 0:1 hisobida imkoniyatni boy berib, kumush medallar bilan kifoyalandilar.

Argentina milliy terma jamoasining sobiq yarim himoyachisi Anxel Di Mariya JCh-2026 finalida jamoa mag'lubiyatga uchragach, Lionel Messiga qo'llab-quvvatlov so'zlarini bildirdi.

Turnirning hal qiluvchi bahsida argentinaliklar Ispaniyaga 0:1 hisobida imkoniyatni boy berib, kumush medallar bilan kifoyalandilar.

"Argentinalik bo'lganing uchun rahmat. Bayrog'imizni dunyoning eng yuqori cho'qqisiga ko'targaning uchun rahmat. Ham futbolchi, ham inson sifatida namuna bo'lib kelayotganing uchun tashakkur. Sen — tarixdagi eng buyukisan. Sen abadiysan", — deb yozdi Di Mariya o'zining ijtimoiy tarmoqdagi sahifasida.

Ushbu jahon chempionatida Lionel Messi o'z hisobiga 8 ta gol va 4 ta natijali uzatmani yozdirib qo'ydi.

Musobaqa davomida Messi terma jamoalar o'rtasidagi eng nufuzli turnirlarda 20 tadan ortiq gol urgan ilk futbolchiga aylandi. Shuningdek, u jahon chempionatlari tarixida eng yaxshi assistent hamda eng ko'p o'yin o'tkazgan rekordchi futbolchi sifatidagi maqomini mustahkamladi.