Xabaringiz bor, 11-12 fevral kunlari UEFA Chempionlar Ligasida pley-off bahslari bo‘lib o‘tadi. Mazkur bosqichda ishtirok etadigan klublar tarkiblaridagi qaydnomaga o‘zgartirishlar kiritishi huquqiga ega bo‘ladi.

Qishki transfer oynasida hamyurtimiz Abduqodir Husanov “Manchester Siti“ jamoasiga transfer bo‘lgan edi. Quvonarlisi, “MS” yosh futbolchimizni YeCHL pley-off bahslari uchun yangi qaydnomaga kiritdi. Shuningdek, jamoa A.Husanovdan tashqari Vitor Reis hamda Omar Marmushni ham qaydnomaga qo‘shgan.

Eslatib o‘tamiz, nimchorak bahslariga o‘tish o‘yinlarida “Manchester Siti“ 11 fevraldan 12 fevralga o‘tar kechasi “Real Madrid“ bilan o‘z maydonida o‘ynaydi.

Javohir Toshxo‘jayev, O‘zA