4 қарашада Өзбекстан аумағында соққан желдің әсерінен топырақтың өте құрғақ құнарлы қабаты көтеріліп, кейбір аудандарда көру мүмкіндігі 500-1000 метрге дейін төмендеп, шаң мен құм боранын туғызды. Шаң мөлшері нормадан 5 есеге артқан.

Бұл жағдай Ташкент және Сырдария аумағында байқалған.

Гидрометеорология қызметінің мәліметінше, 4 қараша күні кешке Ташкентте байқалған шаңды тұман қатты желдің соғуы нәтижесінде құрғақ жер үсті қабатының көтерілуінен пайда болған.

4 қарашада Өзбекстан аумағына Оралдан суық ауа ағындары кіріп келді. Суық фронт аймағында желдің жылдамдығы 12-15 м/с, ал Бұхара, Науаи, Жызақ облыстарының кей жерлерінде 20-25 м/с дейін күшейді.

«Қатты соққан желдің салдарынан құрғақ топырақтың үстіңгі қабаты көтеріліп, республиканың кейбір аудандарында көру мүмкіндігі 500-1000 м-ге дейін төмендеп, шаң мен құм бораны пайда болды. Ауадағы шаң мөлшері белгіленген мөлшерден 5 есе жоғары болды», - делінген хабарламада.