Өзбекстан Республикасының Президенті Шавкат Мирзиёев Қазақстан Республикасының Президенті Қасым-Жомарт Тоқаевтың шақыруымен 2-3 қараша күндері Түркі мемлекеттері Ұйымына мүше мемлекеттер басшылары кеңесінің кезекті отырысына қатысу үшін Астана қаласында болады.
Саммиттің күн тәртібінде ұйым аясындағы көпжақты ынтымақтастықты, ең алдымен, сауда-экономика, инвестиция, көлік-коммуникация, экология, мәдени-гуманитарлық және басқа да салаларда одан әрі дамыту мәселелері қаралды.
Делегация басшылары халықаралық саясат пен өңірлік ынтымақтастықтың өзекті мәселелері бойынша да пікір алмасады.
Іс-шаралар соңында бірқатар бірлескен құжаттар қабылданады деп күтілуде.
Айта кетейік, биыл Өзбекстан Республикасы Түркі мемлекеттері ұйымына төрағалық етуде. Көпжақты ынтымақтастықты одан әрі тереңдетуге бағытталған 100-ден астам маңызды іс-шара өткізілді.
Ұйымға Өзбекстан Республикасы, Әзірбайжан Республикасы, Қазақстан Республикасы, Қырғыз Республикасы және Түркия Республикасы мүше, Венгрия мен Түркіменстан ұйымда бақылаушы елдер саналады.