Өзбекстан Республикасы сыртқы істер министрі Бахтиёр Саидов Қазақстан Республикасы Премьер-министрінің орынбасары және сыртқы істер министрі Мұрат Нұртілеумен телефон арқылы сөйлесті.

СІМ мәліметінше, сұхбат барысында стратегиялық серіктестік пен одақтастық қатынастарды тереңдету, бүкіл Орталық Азия аймағының өркендеуін арттыру, сондай-ақ жаһандық мәселелерді шешуде ынтымақтастықты дамыту мәселелері талқыланды.

«Тараптар бауырластық байланыстардың күннен-күнге нығайып келе жатқанын ерекше атап өтті. Сонымен қатар, осы мықты негізге ие байланыстар 2025 жылы да елдер үшін үлкен жетістіктер әкелетініне сенім білдірілді», делінген хабарламада.