Уиткофф Ризо Паҳлавий билан махфий учрашув ўтказди (+видео)
Axios нашри маълумотларига кўра, 13 январь куни Эрон шоҳи Ризо Паҳлавийнинг меросхўри АҚШ президентининг махсус элчиси Стивен Уиткофф билан учрашган. Учрашув натижалари ҳозирча эълон қилинмади.
Оқ уйнинг миллий хавфсизлик бўйича жамоаси Эрондаги ҳукуматга қарши намойишларга қандай жавоб бериш масаласини муҳокама қилган. Axios маълумотларига кўра, президент Дональд Трамп бу йиғилишда иштирок этмаган.
Нашр манбасининг таъкидлашича, Трамп маъмуриятида бу масаланинг муҳокамаси дастлабки босқичда ва ҳозирча Эронга нисбатан ҳарбий қарорлар қабул қилинмаган.
Намойишлар бошланишида АҚШ президенти ва унинг жамоаси Ризо Паҳлавийни “ахамиятли сиёсий шахс” сифатида кўрмаган, деб ёзади Axios.
Ўтган ҳафтада Трамп телевидениега берган интервьюсида уни Эрон ҳокимиятининг меросхўри сифатида қўллаб-қувватламаслигини билдирган. Бироқ кейинроқ, Паҳлавийнинг исми намойишлар давомида кўп маротаба тилга олинганини кўриб, президент маъмурияти унга эътибор берган.
Лекин, махфий учрашувда нималар муҳокама қилингани маълум эмас.
<iframe width="650" height="420" src="https://www.youtube.com/embed/TgeRjsI4CLE" title="Uitkoff Rizo Pahlaviy bilan maxfiy uchrashuv oʼtkazdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Салимжон Обиджоноа, ЎзА
