Трамп: Эрон шартларга рози бўлмаса, қаттиқ чора кўрилади (+видео)
Гарчи Эрон ҳукумати бир неча марта қатъиян рад қилган бўлсада, Оқ уй матбуот котибаси АҚШ ва Эрон ўртасидаги музокаралар самарали давом этаётганини таъкидламоқда. Бу ҳақда Euronews хабар берди.
Агарда Эрон Трамп шартларига рози бўлмаса, Оқ уй кескин чоралар кўрилишини маълум қилди. Матбуот котиби Кэролайн Левитт ҳам буни тасдиқлаб, шундай деди: - Агар Эрон воқеликни тан олмаса ва мағлуб бўлаётганини тушунмаса, Трамп жуда кучли зарба берилишини таъминлайди.
Унинг қўшимча қилишича, бу гал Трамп жуда кескин чора кўришга тайёр. Шунинг учун Эрон яна хато қилмаслиги керак.
Шу билан бирга, Кэролайн Левитт АҚШ ва Эрон ўртасидаги мулоқотлар давом этаётганини билдирган. Унинг айтишича, музокаралар самарали кетяпти ва АҚШ таклиф қилган
15 банддан иборат режа муҳим жиҳатлардан иборат.
Эрон ташқи ишлар вазири Аббас Арағчий эса воситачилар орқали хабар алмашишни ҳақиқий музокара деб ҳисобламаслигини таъкидлаган. Унинг сўзларига кўра, Эрон урушни ўз шартлари асосида тугатишни истайди ва қаршиликни давом эттиради.
Шу куни Эрон парламенти спикери Муҳаммад Бағир Ғолибоф ҳам огоҳлантириш берди. Унинг разведка маълумотларига таяниб айтишича, Эрон душманлари Форс кўрфазидаги бир оролни эгаллашни режалаштирмоқда. Агар шундай қилишса, ўша давлатнинг муҳим инфратузилмалари доимий ҳужумлар нишонига айланиши мумкин.
<iframe width="560" height="315" src="https://www.youtube.com/embed/EBdF5tAfFVI?si=svurV8vyDeeDXfEw" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Улуғбек Тўхтаев, ЎзА
