Трамп бош прокурорни нега лавозимидан бўшатди? (+видео)
Памела Бонди АҚШ бош прокурори лавозимидан озод этилди, деб хабар қилди DW нашри.
Унинг ўрнига ўринбосари Тодд Бланш тайинланди. Бу Трамп жамоасида бир ой ичида иккинчи вазирнинг ишдан олинишидир. АҚШ президенти Дональд Трамп Памела Бондини лавозимидан бўшатганлиги ҳақидаги хабарни бир қатор ОАВ эълон қилди.
Fox News маълумотига кўра, Трамп 1апрель куни кечқурун Бонди билан Оқ уйда учрашган. CNN маълумотига кўра, Трамп кейинчалик Памела Бондини судья лавозимига тайинлашини айтган. У Truth Social тармоғида: “Биз Пэмни қадрлаймиз, у яқин орада хусусий секторда муҳим лавозимга ўтади”, деб ёзган. Пэм Бонди ишдан олинганидан бир кун ўтиб X ижтимоий тармоғида баёнот берди. У ишончи учун Трампга миннатдорлик билдирди.
CNN ёзишича, Памела Бонди ишдан олиниши бизнесмен Эпштейн иши билан боғлиқ. Шунингдек, у президент рақибларига қарши етарлича қатъий чора кўрмагани учун танқид қилинган. Памела Бонди 2011–2019 йилларда Флорида штати бош прокурори бўлиб ишлаган.
Трампнинг иккинчи президентлик даврида у АҚШ бош прокурори лавозимига келган. Бонди 2019 йилда Трампга қарши импичмент жараёнида унинг адвокатларидан бири бўлган ва бошқа суд ишларида ҳам уни фаол ҳимоя қилган.
Reuters агентлиги хабарига кўра, Памела Бонди Эпштейн иши бўйича 14 апрель куни қасамёд асосида кўрсатма бериши кутилмоқда. Памела Бондига Эпштейнга алоқадор нуфузли шахслар номларини яширган, деган айбловлар ҳам қўйилмоқда.
<iframe width="484" height="860" src="https://www.youtube.com/embed/Pexl4n389rU" title="Trampbosh prokurorni nega lavozimidan bo‘shatdi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe> Кенжа Бекжонов, Анвархўжа Аҳмедов (видео), ЎзА
