Тожикистон Бош вазирининг юртимизга ташрифи якунланди
Тожикистон Республикаси Бош вазири Коҳир Расулзоданинг Ўзбекистонга ташрифи ниҳоясига етди.
Биродар давлат ҳукумати раҳбари пойтахтимизда ўтаётган нуфузли анжуман – V Тошкент халқаро инвестиция форуми ялпи мажлисида сўзга чиқди. Шунингдек, икки давлат ўртасидаги иттифоқчилик муносабатларни янада мустаҳкамлашга хизмат қиладиган учрашув, музокаралар ўтказди.
Кеча Президент Шавкат Мирзиёев қабулида ҳам бўлган юқори мартабали меҳмонни Тошкент-Ҳумо аэропортида Ўзбекистон Республикаси Бош вазири ўринбосари Очилбой Раматов ва бошқа расмийлар кузатиб қўйди.
ЎзА
