Ташкенттен Ыстықкөлге жаңа әуе рейсі ашылды
«Ыстықкөл» халықаралық әуежайы Ташкенттен алғашқы рейсті қабылдады.
«Манас» халықаралық әуежайы» баспасөз қызметінің хабарлауынша, Өзбекстанның «Silk Avia» авиакомпаниясы Ташкент – Ыстықкөл бағытында жаңа рейс ашты.
Жаңа бағыттағы алғашқы рейспен Ташкенттен Ыстықкөлге 50 жолаушы келді.
Кестеге сәйкес, Ташкент-Ыстықкөл-Ташкент бағыты бойынша рейстер аптаның сейсенбі, бейсенбі және жексенбі күндерінде орындалады. Ұшу уақыты екі сағат.