ФОТОРЕПОРТАЖ
Ташкент қаласындағы Өзбекстан бейнелеу өнері галереясында Халықаралық Түркі мәдениеті ұйымы (ТҮРКСОЙ) мен Өзбекстан Көркемсурет академиясының бірлесе ұйымдастыруымен «Түркі әлемі әйел қолөнершілері» атты халықаралық көрме өтіп жатыр.
Аталған көрменің идеясы 2023 жылдың сәуір айында Ташкентте өткен ТҮРКСОЙ-ға мүше мемлекеттердің суретшілері көрмесі барысында, болашаққа арналған жоспарлар мен жобалар талқыланған сәтте туындаған. Жоба көшпелі көрме түрінде ұйымдастырылған, оның алғашқы тұсаукесері 2024 жылы Бішкектегі Г. Айтиев атындағы Ұлттық өнер музейінде сәтті өткен.
Бүгінгі көрмеде түркі халықтарының генетикалық жадын бейнелейтін туындылармен қатар, бүкіладамзаттық құндылықтарды көрсететін және түрлі стильде жасалған шығармалар да қойылған.
[gallery-22972]
Көрме арқылы түркі әлемі әйелдерінің шығармашылығына тән заманауи бейнелеу өнерімен танысуға ғана емес, сонымен қатар мәдениет пен өнердің дамуына қажет дәстүрлі және рухани бірлікті сезінуге де мүмкіндік жасалған.
Экспозициялар қатарында Әзербайжан, Қазақстан, Қырғызстан, Түркіменстан, Түркия және Өзбекстаннан келген суретші әйелдердің туындылары бар.
суреттерді түсірген О.Пардаев, ӨзА