Швейцария Марказий Осиё учун янги ҳамкорлик дастурини ишга туширди (+видео)
Швейцариянинг Ўзбекистондаги элчихонаси томонидан Марказий Осиё учун 2026–2029 йилларга мўлжалланган янги халқаро ҳамкорлик дастури расман ишга туширишга бағишланган учрашув бўлиб ўтди.
Унда Ўзбекистон ҳукумати вакиллари, халқаро ташкилотлар, фуқаролик жамияти институтлари ҳамда хусусий сектор вакиллари иштирок этиб, дастур доирасидаги устувор йўналишлар билан яқиндан танишдилар.
Тадбирда сўзга чиққанлар ушбу дастур Швейцариянинг Марказий Осиёдаги ишончли ва узоқ муддатли ҳамкор сифатидаги ролини янада мустаҳкамлашини алоҳида таъкидлашди.
Мазкур дастур қарийб 200 миллион АҚШ доллари миқдоридаги бюджетга эга бўлиб, икки асосий йўналишни қамраб олади. Биринчи йўналиш сув ва энергия ресурсларини самарали бошқариш, иқлим ўзгаришига мослашув ҳамда қайта тикланувчи энергия манбаларини ривожлантиришга қаратилган. Иккинчи йўналиш эса барқарор иқтисодий ривожланишни таъминлаш, жумладан янги иш ўринлари яратиш, тадбиркорликни қўллаб-қувватлаш ва молиявий хизматлардан фойдаланиш имкониятларини кенгайтиришни назарда тутади.
<iframe width="640" height="420" src="https://www.youtube.com/embed/7yV9_U5fvDw" title="Shveysariya Markaziy Osiyo uchun yangi hamkorlik dasturini ishga tushirdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Зиёвуддин Нуриддинов, Ойбек Давронов (видео), ЎзА
