Севил Йўлдошева Испанияда барчани лол қолдирмоқда

Испаниянинг Мадрид шаҳрида теннис бўйича W15 таснифига кирувчи “Internacional Brezo Osuna – 2026” халқаро турнири яккалик баҳслари илк босқичидан ҳамюртимиз Севил Йўлдошева муваффақиятли ўтди.

Аниқроқ айтадиган бўлсак, Севил Йўлдошева мукофот жамғармаси 15 минг АҚШ долларини ташкил этувчи мазкур мусобақанинг асосий тўри биринчи даврасида швейцариялик Софи Люшерга қарши ўйин ўтказиб, якунда 6:2, 7:5 ҳисобида зафар қучди. Энди теннисчимиз чорак финал остонасида чехиялик Эмма Славиковага қарши кортга чиқади.

Шунингдек, турнирнинг жуфтлик беллашувларида Севил Йўлдошева руминиялик Мария Тома билан дуэтда ярим финал йўлланмаси учун испаниялик теннисчилар Жудит Эрнандес Миранда ҳамда Паола Ортега Редондо тандемини синовдан ўтказади.  

Жавоҳир Тошхўжаев,

ЎзА