Қазақстан Республикасының Самарқанд қаласындағы бас консулы Талғат Шарипов облыс баспасөз үйінде барып, мұндағы газеттер қызметі, баспасөз тарихымен танысты.
Бас консулға жүз жылдан астам тарихы бар облыс баспасөзі, «Зарафшон», «Самарқандский вестник» және «Овози Самарқанд» газеттерінің қызметі туралы ақпарат берілді.
Қазақстан консулдығы облыстағы бұқаралық ақпарат құралдарымен тығыз ынтымақтастықта жұмыс істеуге дайын екенін білдірді.
– Бауырлас Өзбекстан мен өзбек халқы туралы жақсы білемін. Самарқандта жұмыс бастамас бұрын Қазақстанның Өзбекстандағы елшілігінде қызмет атқарғанмын. Сол кезде жұмыс бабымен Самарқандқа келген едім, бірақ баспасөзімен таныс болмағанмын. Бүгінде осы көне және әсем қалада қызмет көрсету мүмкіндігіне ие болғаныма қуаныштымын. Самарқанд тек өзінің тарихи ескерткіштерімен ғана емес, сондай-ақ журналистикасының тарихымен де маңызды екеніне куә болдым, – дейді Талғат Шарипов.
Талғат Шарипов өз сөзінде, Қазақстан мен Өзбекстан арасындағы мәдени байланысты одан әрі нығайту үшін екі елдің баспасөз ұйымдары мен медиасекторын белсенді түрде бірлесе жұмыс істеуге шақыратынын атап өтті.
Дініміз бір, тіліміз жақын, сондықтан өмір салтымыз бен дамудағы мақсаттарымыз да бір. Журналистика саласындағы өзгерістер мен ұқсастықтар да ортақ. Сондықтан екі ел, екі бауырлас ұлт арасындағы мәдени, шығармашылық, ғылыми-тарихи байланыстарды нығайту мақсатында алдағы уақытта Қазақстан туралы Самарқандта, ал бұл тарихи қала туралы біздің баспасөз және телеарналарымызда мақалалар жазып, бағдарламалар жасау, сондай-ақ Қазақстанға пресс-тур ұйымдастыруды жоспарлап отырмыз, - деген Бас консул.
Динимиз битта, тилимиз яқин, шу боис яшаш тарзимиз, ривожланишдаги мақсадларимиз ҳам бир. Журналистика соҳасидаги ўзгариш ва ўхшашликлар ҳам бир хил. Шунинг учун икки давлат, икки қардош миллат ўртасидаги маданий, ижодий, илмий-тарихий алоқаларни мутаҳкамлаш мақсадида келгусида Қозоғистон ҳақида Самарқандда, бу тарихий шаҳар ҳақида эса бизнинг матбуот нашрлари ва телеканалларимизда мақола ёзиш ва кўрсатувлар тайёрлаш, шунингдек, Қозоғистонга пресс-тур ташкил этиш мақсадимиз бор.
Айта кетейік, Самарқандта Қазақстан Республикасының Бас консулдығы 2021 жылдың сәуір айында жұмысын бастаған еді.